Channel: Sunny Garewal

Category: Gaming

Tags: shroud gameplaypubg mobileplayerunknown’s battlegroundsstory of shroudshroud funny momentsshroud best momentsshroud top killscloud9 journeyshroud best killshistory of shroudcloud9 storyshroud journeyc9shroudy rowdyshroud biography

Description: (STORY OF SHROUD) Shroud Twitch ke top gamers mein se ek hai aur apne best clutches ke liye jaane jaate hai. Shroud former esports gamer bhi reh chuke hai jinhe apni popularity Counter-Strike: Global Offensive ko khelne se mili. Toh chaliye jaante hai ki Shroud kaise bane duniya ke sabse bade gamer. BORN OF A LEGEND Shroud ka real name Micheal Grzesiek hai aur unka janm 2 June, 1994 ko Canada ke Mississauga shehar mein hua. Shroud ke papa PC builder aur gamer the aur unho ne he Shoud ko PC games se introduce karwaya. Jab Shroud 7 saal ke the tabh unke papa ne unhe Battlefield 1942 aur Unreal Tournament game khelna sikhaya. Apne free time mein Shroud yeh dono he game khela karte the magar jald he yeh dono he game se borr ho gaye. Isko dekhte hue Shroud ke papa ne unhe Counter-Strike 1.6 game diya. STARTED STREAMING 2011 mein Twitch launch hua joki ek new live streaming platform tha gamers ke liye. Shroud yeh new website ko roz visit karte the aur Summit1G naam ke Twitch streamer ki live streaming dekha karte the. Summit1G se inspired hokar Shroud ne 2011 mein streaming start kar di mEclipse naam se. Shuruat mein Shroud ne Counter Strike: Source aur World of Warcraft ki streaming ki. Fir baad mein unke dost ne unhe newly released Counter-Strike: Global Offensive gift kiya. Jald he is naye game ne esports mein bhi jagah bana li. Shroud ne bhi CS: GO ki live streaming start kar di aur unki bhi dream thi ki who ek din pro CS Tournaments mein participate kare. ENTRY INTO ESPORTS Shroud ka aacha gameplay dekhte hue Exertus naam ki esports gaming team ne unhe team join karne ka offer diya. Shroud ne yeh offer accept kiya aur ESEA League qualifiers mein participate kiya. Iske kuch dino ke baad Shroud ne Exertus team chodh di aur Manajuma Team join kar li. Manajuma Team mein Shroud kaafi aacha perform kar rahe the aur isi ko dekhte hue compLexity Gaming Team ne unhe team join karne ka offer diya. Iske ek mahine ke baad compLexity Gaming Team ko Cloud9 ne kharid kar liya aur 1 September, 2014 ko Shroud Cloud9 ke roster mein shamil ho gaye. Cloud9 mein Shroud ne apna pehla debut 2015 ke ESL ESEA Pro League North America Season 1 mein kiya. Is tournament mein Shroud aur unki team ne bahot aacha perform kiya aur first prize hasil kiya. Cloud9 North America ki pehli team ban gayi jisne pichle 10 saalo mein koi major title jeeta tha. Usi saal ESL ESEA Pro League Grad Final mein Shroud aur unki team ne second prize jeeta. Ek saal baad 2016 mein, Cloud9 ne second finish kiya DreamHack Bucharest mein. Usi saal ke october mahine mein Cloud9 ne SK Gaming ko finals mein hara kar ESL Pro League Super 4 ko khitab jeet liya. Shroud Cloud9 ke sirf best player he nahi ban gaye the balki apni team mein aaye new recruits ko coaching aur mentoring bhi de rahe the. Usi dauran Shroud apne endless cluth plays ke liye popular ho rahe the aur hamesha CS: GO Reddit ke front page pe raha karte the, isi ke karan log unhe King of Reddit bhi kehne lage. 2017 mein ESL ne ESL One naam ka tournament organize kiya. Yeh ek bahot he bada tournament tha jaha world ki top CS: GO teams participate kar rahi thi. Cloud9 grand finals tak pahoch gayi par SK Gaming se finals haar gayi. Is se Shroud aur unki team kaafi disappoint hui magar unki team ne yeh show kar diya ki unke pass potential hai world stage pe compete karne ka. Iske baad Shroud ne esports se break lena ka socha aur baaki games jaise PUBG ko khelne ka man banaya. Ise dekh ke Shroud ke CS: GO fans kaafi naraz ho gaye aur dusare professional gamers bhi unka mazak banane lage. Shroud ne PUBG ki live streaming start kar di aur unhe yeh game aacha lagne laga. THE END OF AN ERA August 2017 mein Shroud ne Cloud9 left kar diya aur full time streamer ban ne ka decision liya. Shroud dhere dhere PUBG mein pro bante gaye aur aage chalkar world ke best PUBG player bhi ban gaye. May 2018 mein Shroud ne PUBG “Twitch Rivals” Tournament mein participate kiya aur apni duo team ke saath 10 mein se 9 match jeetkar tournament apne naam kiya. February 2019 mein Shroud ka channel Twitch ka sabse zaya subscribed channel ban gaya. Aaj Twitch mein Shroud ke 60 lakh se bhi zayada followers and aur Youtube mein karib 50 lakh subscribers hai. Jo cheez Shroud ko unique banati hai who hai apni popularity se chote streamers ko support aur motivate karna. Hamesha se hi Shroud ke viewers unse loyal rahe hai aur jo bhi naya game Shroud khelte hai usme unka saath dete hai. Is samay Shroud PUBG, Apex Legends, Battle Field V’s Firestorm, Call of Duty Black Ops 4: Blackout, Fortnite aur Tom Clancy’s Six Siege jaise games khelte hai. #SG_TV